Дербес деректердің құпиялылық саясаты
Жария оферта
1. Терминдер мен анықтамалар:
1.1. Жария оферта мәтінімен мұқият танысып шығыңыз, егер Сіз офертаның қандай да бір тармағымен келіспесеңіз, Сіз Тауарларды сатып алудан немесе Сатушы ұсынатын Қызметтерді пайдаланудан бас тартуға құқылысыз.
1.2. Қазақстан Республикасы Азаматтық кодексінің (бұдан әрі – ҚР АК) 395-бабына сәйкес осы құжат жария оферта болып табылады және төменде баяндалған талаптар қабылданған жағдайда осы оферталды акцептеуші жеке тұлға Сатушының Тауарына осы Шарттың талаптарына сәйкес ақы төлейді. ҚР АК 396-бабының 3-тармағына сәйкес Тұтынушының Тауарға ақы төлеуі оферталды акцептеу болып табылады, бұл оферталда баяндалған талаптармен Шарт жасасуға тең деп есептеледі.
Ұғымдар мен терминдер:
1.3. Сатып алушы – www.sulpak.kz электрондық коммерция интернет-ресурсында Тауарды сатып алуға Тапсырыстар орналастыратын немесе Дүкенде Тауарды сатып алатын:
1.3.1. Жеке тұлға, атап айтқанда Қазақстан Республикасының азаматы, өзге мемлекеттердің азаматы, сондай-ақ азаматтығы жоқ адам;
1.3.2. Қазақстан Республикасының (бұдан әрі мәтін бойынша – ҚР) аумағында заңда белгіленген тәртіппен тіркелген заңды тұлға, жеке кәсіпкер.
1.4. Сатушы – «Arena S» (Арена S) ЖШС, Қазақстан Республикасының заңнамасына сәйкес мына мекенжай бойынша тіркелген заңды тұлға: 050016, Қазақстан Республикасы, Алматы қ., Сүйінбай даңғ., 38А.
1.5. Интернет-дүкен немесе Сайт – Тауарларды Сатып алушыларға сатуға арналған, www.sulpak.kz домендік атауы бар өзінің интернет-ресурсында Интернетте орналастырылған ақпараттық жүйе.
1.6. Дүкен – «SULPAK» тауар белгісімен қызметін жүзеге асыратын, оның ішінде тапсырыстарды беру пункттерін қоса алғанда, Сатушының стационарлық сауда объектілері.
1.7. Байланыс орталығы (Колл-орталық) – мыналармен айналысатын Сатушының бөлімшесі:
- Сатушы бекіткен кез келген байланыс арналары арқылы түскен, оның ішінде қоңыраулар мен хабарламаларды қоса алғанда, Сатып алушылардың өтініштерін өңдеу;
- Сатып алушылардың талап-арыздарын қабылдау.
1.8. Тауар – Сатушының Каталогына сәйкес, Тапсырысты ресімдеу сәтінде Сатушыда бар, Сайтта/Дүкенде белгілі бір бағамен сатуға Сатушы Сатып алушыға ұсынған ассортименттегі Тауар. Сатушы сатуға ұсынатын Тауарлардың тізбесі мен олардың бағасын Сатушы біржақты тәртіппен өз қалауы бойынша айқындайды және Сайттағы Каталогта көрсетіледі немесе Дүкенде орналастырылады.
1.9. Каталог – Сайттың тиісті бөлімінде немесе Дүкенде орналастырылған, ассортимент пен Тауарлардың тиісті бағалары көрсетілген, Сатушы Сатып алушыға сатуға ұсынатын Тауарлар тізбесі.
1.10. Тапсырыс – Сатып алушы көрсеткен мекенжайға жеткізіп беру арқылы немесе Сатып алушы айқындаған дүкеннің/тапсырыстарды беру пунктінің мекенжайынан өздігінен әкету («өзі алып кету») талаптарымен Тауарларды сатып алуға арналған, Сатып алушы Сайтта өзі немесе өзге тәсілмен орналастырған, тиісінше ресімделген өтінім не Дүкенде Тауарды сатып алу.
1.11. Электрондық POS-терминал – төлем карталарын пайдалана отырып, төлемдерді қабылдауға арналған және Сатып алушының Тауарларға төлем карталарының көмегімен ақы төлеуі үшін Сатушының жеткізу қызметінің қызметкері немесе оның уәкілетті тұлғалары пайдаланатын мобильді жабдық (құрылғы).
1.12. on-line төлем – Тапсырысты ресімдеу кезінде тікелей интернет-эквайринг жүйесі арқылы Интернет желісі арқылы банк карточкасын пайдалана отырып, Тауарларға ақы төлеу бойынша ақшалай міндеттемені орындау.
1.13. Акция – Сатушы Сайтта орналастырылатын немесе Дүкенде не өзге тәсілмен сатып алушының назарына жеткізілетін талаптар мен қағидалар бойынша жүргізетін, Тауардың сатылымын ынталандыратын кез келген жарнамалық-маркетингтік іс-шаралар.
1.14. Тапсырысты ресімдеу – Сатып алушының Тауарды таңдау, Сатып алушы және/немесе Алушы туралы ақпаратты беру бойынша барлық әрекеттерді жасауы және осы ақпаратты Сатушыға Сатушы Сайтта көрсеткен тәсілдермен немесе Дүкенде Сатушыға ақпаратты ауызша хабарлау арқылы жіберуі. Сатып алушының Тапсырысты ресімдеуі Сатып алушының Жария оферталды акцептеуі және Сатып алушының Жария шарттың талаптарымен келісімі деп танылады.
1.15. Тапсырысты ресімдеу рәсімінің аяқталу сәті немесе Тапсырысты ресімдеу фактісі – Сатып алушы алған Сатушының Тапсырыстың қабылданғаны туралы СМС/электрондық хат түріндегі немесе Тапсырыстың бірегей нөмірі көрсетілген Сатушының ауызша/жазбаша растауы деп танылады.
1.16. Бағасы түсірілген тауар – кемшіліктің болуына байланысты немесе кемшілік жойылғанына байланысты төмендетілген бағамен сатылатын тауар.
2. Шарттың нысаны
2.1. Сатушы Тауарды Сатып алушыға меншікке беруге, ал Сатып алушы орналастырылған Тапсырысқа сәйкес және осы Шарттың және Сатушының өзге құжаттарының талаптарында Тауарды қабылдап алуға және оған ақы төлеуге міндеттенеді.
2.2. Тауардың ерекшелігіне, оны сатып алу тәсіліне және (немесе) Сатушы белгілеген Тауарды сатып алу-сатудың өзге де талаптарына байланысты Сатушының жеке қағидаларында немесе өзге құжаттарында қамтылуы мүмкін қосымша, өзгертуші, нақтылаушы және өзге де ережелер болуы мүмкін, олар осы құжаттарда бұл туралы көрсетілген жағдайда осы Шарттың ажырамас бөлігі болып табылады.
3. Осы Шартты жасасу және оның талаптарын өзгерту тәртібі
3.1. Тауарларға Тапсырыс ресімдей отырып, Сатып алушы мыналарды растайды:
3.1.1. Шарттың мәтінімен, оның барлық құрамдас ажырамас бөліктерін қоса алғанда, тиісінше танысты және олардың мазмұнын дұрыс түсінді;
3.1.2. Тауармен, бағасы туралы ақпаратпен, Тауарды жеткізу талаптарымен танысты және келіседі, сондай-ақ Сатушы тапсырыс берілген Тауардың болуына, оның бағасына және төлем немесе жеткізу сәтіне (қайсысы кейін басталатынына қарай) өзге де талаптардың сақталуына кепілдік бермейтінімен келіседі. Мұндай өзгерістер туралы Сатушы Сатып алушыға Тапсырыс ресімделгеннен кейін хабарлайды;
3.1.3. осы Шарттың талаптарын және оның барлық құрамдас ажырамас бөліктерін толық көлемде, өзгертусіз, алып тастаусыз және үзіндісіз толық және сөзсіз қабылдайтынын білдіреді;
3.1.4. Сайттағы Құпиялылық саясатының талаптарымен келіседі.
3.1.5. өз еркімен және өз мүддесінде дербес деректерді, оның ішінде: ұялы телефон нөмірі, ТАӘ, жынысы, туған күні, электрондық пошта мекенжайы, биометриялық деректер және өзге де деректерді қоса алғанда, бірақ олармен шектелмей, өзінің тауарлары мен қызметтерін (өнімдерін) ұсыну мақсатында, оның ішінде, бірақ онымен шектелмей: Сатып алушыны сәйкестендіру, верификациялау, Бонустарды есепке алу, жинақтау және пайдалану рәсімін қамтамасыз ету, жеткізуді жүзеге асыру, сервистік қызметтер көрсету мақсатында жинауға, жүйелеуге, жинақтауға, сақтауға (нақтылауға, жаңартуға, өзгертуге), пайдалануға, үшінші тұлғаларға беруге, иесіздендіруге, бұғаттауға, жоюға және трансшекаралық берілуіне өңдеуге келісім береді;
3.1.6. Сатушыға және оның серіктестеріне, аффилиирленген тұлғаларына жарнамалық сипаттағы хабарламаларды (оның ішінде өткізілетін акциялар мен арнайы ұсыныстар туралы кез келген коммуникация арналары арқылы, оның ішінде SMS-хабарламалар, E-mail, telegram-бот, телефон және/немесе Сатушыға қолжетімді өзге де тәсілмен Сатып алушы көрсеткен телефон нөміріне, электрондық пошта мекенжайына, өзге де байланыс құралдарына), «SULPAK» дүкендер желісінің, www.sulpak.kz Интернет-дүкенінің жұмысы, сондай-ақ Байланыс орталығының жұмысы туралы пікірді жинауды алуға өзінің сөзсіз келісімін береді.
3.1.7. бағасы түсірілген сатылатын тауардың қалыпты пайдалануға жарамды екенімен, бірақ барлық жинақтаушы бұйымдары болмауы, зақымданулары немесе жойылған ақауы болуы мүмкін екенімен танысты және келіседі.
3.1.8. бағасы түсірілген тауар бір тауар тобының 1 (бір) данасынан бір қолға сатылады.
3.1.9. Бағасы түсірілген тауарды сатып алу кезінде өзіне хабарланған кемшіліктерге байланысты Сатушыға қандай да бір талап-арыздары болмайды.
3.2. Сатушы өзіне біржақты тәртіппен, өз қалауы бойынша, Сатып алушыға өзгерістер туралы хабарламай, осы Шарттың талаптарына оларды Сайтта орналастыру арқылы өзгерістер енгізу құқығын қалдырады. Барлық өзгерістер жарияланғаннан кейін бірден күшіне енеді және осындай жарияланған сәттен бастап Сатып алушының назарына жеткізілді деп есептеледі, осыған байланысты Сатып алушы Сайтта орналастырылған осы Шарттағы өзгерістерді үнемі қадағалап отыруға міндеттенеді. Осы Шарттың қолданылу мерзімі Сайтта өзгеше көрсетілмесе немесе Сатушы Офертаны кері қайтарып алмаса, шектелмейді.
3.3. Сатушы мен Сатып алушы/Алушы арасындағы қатынастарға Қазақстан Республикасының қолданыстағы заңнамасының, оның ішінде, бірақ онымен шектелмей, ҚР Азаматтық кодексінің, «Тұтынушылардың құқықтарын қорғау туралы» ҚР Заңының, «Сауда қызметін реттеу туралы» ҚР Заңының және ҚР өзге де құқықтық актілерінің ережелері қолданылады.
3.4. Сатушы Акцияларды өткізген жағдайда осы Шартта көрсетілмеген, Тапсырысты ресімдеу тәртібін, оның ішінде, бірақ онымен шектелмей, Акция өткізілетін кезеңде Тауарды сатып алу және қайтару талаптарын реттейтін жекелеген, арнайы ережелер белгіленуі мүмкін. Көрсетілген талаптар да осы Шарттың ажырамас бөлігі болып табылады және Акцияның талаптарын қабылдайтын тұлғалар үшін қолданылуға жатады. Акцияға қатысатын Тауарға Тапсырысты ресімдеу және/немесе Акцияға қатысудың өзге де талаптарын орындау Сатып алушының тиісті Акцияның талаптарымен келісетінін білдіреді.
4. Тапсырыстарды ресімдеу тәртібі
4.1. Сайтта ұсынылған Тауарлар туралы барлық ақпараттық материалдар ақпараттық сипатқа ие және Тауардың қасиеттері мен сипаттамалары туралы, оның ішінде түсі, өлшемдері және пішіні туралы ақпаратты толық көлемде бермеуі мүмкін. Тауарға ілеспе фотосуреттер оған қарапайым иллюстрациялар болып табылады және Тауардың нақты сыртқы көрінісінен өзгеше болуы мүмкін. Сатып алушының компьютерінің/планшетінің/ұялы телефонының экранының сапасы, баптаулары және ерекшеліктері ұсынылған Тауардың түстер гаммасын бұрмалауы мүмкін. Тауардың Сайтта ұсынылған суреттен түсі, пішіні, өлшемі немесе басқа параметрлері бойынша шамалы айырмашылықтары болуы мүмкін. Тауарлардың кез келген сипаттамаларын Тауарды дайындаушы алдын ала хабарламай өзгерте алады.
4.2. Сатып алушыда Тауарды сатып алу туралы шешім қабылдау үшін қажетті Тауардың қасиеттері мен сипаттамаларына қатысты сұрақтар туындаған жағдайда, Тапсырысты ресімдегенге дейін Сатып алушы Сатушының Байланыс орталығына немесе Дүкенге жүгінуге құқылы. Сатып алушы қосымша қажетті ақпарат алу үшін жүгінбеген жағдайда, Сатушы Сатып алушы таңдаған Тауар үшін жауапты болмайды.
4.3. Сатып алушының Тапсырысын Сатып алушы өздігінен Сайт арқылы немесе Дүкенде ресімдей алады, бұл ретте:
4.3.1. Дүкенде Тапсырысты ресімдеу кезінде Сатып алушы Тапсырысты ресімдеу үшін қажетті Оператор сұраған толық ақпаратты Сатушыға ауызша ұсынады.
4.3.2. Сайт арқылы Тапсырысты ресімдеу кезінде Сатып алушы Тауарға Тапсырыстың электрондық нысанын толтырады және қалыптастырылған Тапсырысты Интернет желісі арқылы Сатушыға жібереді.
4.4. Сатып алушының Сайт арқылы Тапсырысты ресімдеуі мынадай дәйекті әрекеттерді орындау арқылы жүзеге асырылады:
- Тауарлар Каталогынан Тауарды таңдауды жүзеге асыру және таңдалған Тауарды «Себетке» қосу.
- «Себеттегі» ассортименттің таңдалған Тауарларға сәйкестігін тексеру және қажет болған жағдайда «Себеттен» Тауарларды қосу немесе жою, содан кейін «Тапсырысты ресімдеу» түймесін басу.
- тапсырыс нысанын толтыру: тегі, аты, телефон нөмірі, электрондық пошта мекенжайы, облыс/қала, сондай-ақ тиісті бөлімде ашылмалы тізімнен қаланы таңдау және пошталық индексті, үй нөмірін, пәтер нөмірін (қолданылатын болса) көрсету арқылы жеткізу мекенжайын көрсету немесе «Өзі алып кету» жеткізу шарттарын таңдау кезінде ашылмалы тізімнен дүкенді таңдау, содан кейін «Төлем» бөліміне өту үшін «Келесі қадам» түймесін басу. «Келесі қадам» түймесін басу арқылы Сатып алушы Шарттың, құпиялылық саясатының және осы Шарттың ажырамас бөлігі болып табылатын өзге де қосымшалардың талаптарымен танысқанын, келісетінін және қабылдайтынын растайды.
- «Төлем» бөлімінде жеткізу құнын қоса алғанда, Тапсырыстың түпкілікті құнымен танысу және ұсынылған тізімнен төлем тәсілін таңдау.
- on-line төлем кезінде интернет-эквайринг жүйесінің төлем бетінде банк картасының деректерін енгізу және төлемді жүзеге асыру үшін қажетті әрекеттерді орындау. Бұл ретте Сатып алушының банк картасының деректері Банкке тек шифрланған түрде беріледі және Сатушыда сақталмайды. Банк интернет-төлемдерді өңдеу қауіпсіздігіне кепілдік береді. Банк карталарымен барлық операциялар халықаралық төлем жүйелерінің талаптарына сәйкес жүргізіледі. Төлем бетінде ақпарат беру кезінде карталық онлайн-төлемдердің қауіпсіздігінің мамандандырылған технологиялары пайдаланылады, деректерді өңдеу Банктің процессингтік орталығының қауіпсіз жоғары технологиялық серверінде жүргізіледі. Төлем расталғаннан кейін және төлемге сәтті авторизация жасалған жағдайда Сатып алушы Сатушының Тапсырыстың қабылданғанын растау туралы мәліметтері және Тапсырыс нөмірі туралы егжей-тегжейі бар хабарламаны Сатып алушы көрсеткен электрондық пошта мекенжайына/телефон нөміріне алады. Одан әрі Тапсырыс берілген талаптарға сәйкес автоматты түрде өңделетін болады.
4.5. Сатып алушының әрбір Тапсырысты ресімдеуі осындай Тапсырыспен айқындалған Тауарға қатысты онымен Шартты дербес жасасу ретінде қаралады. Сатып алушының Сатушы көрсеткен кез келген әрекеттерді жасамауы немесе оларды Шарт талаптарын бұза отырып жасауы Сатып алушының осы жария оферталды қабылдаудан және Шартты жасасудан бас тартуы болып саналады.
4.6. Тапсырысты ресімдеу рәсімі аяқталғаннан кейін жеткізу мерзімі немесе Тапсырыстың құрамдас бөліктері өзгерген жағдайда (оның ішінде тапсырыс берілген Тауарлар қоймада болмаған жағдайда) Сатушы Сатып алушыға Тапсырысты орындаудың жаңа талаптарымен тұтастай немесе ішінара келісімін алу мақсатында Шарт талаптарының өзгергені туралы телефон арқылы немесе Сатып алушы Тапсырысты қалыптастыру кезінде көрсеткен электрондық пошта мекенжайына немесе телефон нөміріне электрондық хабарлама жіберу арқылы хабарлама жолдайды. Бұл ретте Сатып алушы Тапсырыстың жаңа талаптарымен келіседі немесе Тапсырысты толығымен немесе ішінара жоққа шығарады. Сатып алушы Тапсырысқа алдын ала ақы төлеген кезде Тапсырыстан толық немесе ішінара бас тартқан жағдайда Сатып алушыға ол бас тартқан Тауардың құны Тауарға ақы төленген тәсілмен қайтарылады. Сатып алушы Тапсырыстың жаңа талаптарымен келісетінін: телефон арқылы ауызша растау немесе электрондық пошта/телекоммуникациялық байланыс бойынша электрондық хабарлама жіберу арқылы жазбаша растау не Тапсырыстың өзгертілген талаптары бойынша Тауарларды қабылдау арқылы білдіреді.
4.7. Тауарды резервтеу мерзімі: Сайтта Тапсырысты ресімдегеннен кейін электрондық поштаға жіберілген хатта көрсетілген. Көрсетілген мерзім аяқталғаннан кейін резервтеу және Тапсырыс жойылады және Сатушы Тауардың Сатушының қоймасында қолжетімді болуына кепілдік бере алмайды, соның салдарынан Сатып алушы жүгінген кезде Тапсырысты өңдеу мерзімдері ұзаруы мүмкін.
4.8. Тапсырыс берілген Тауарды Сатып алушыға жеткізу Сатып алушымен келісе отырып, Сатып алушы көрсеткен мекенжай бойынша жүзеге асырылады. Тауарларды жеткізу тәсілдері, құны, сондай-ақ шамамен мерзімдері осы Шарттың 7-бөлімінде, сондай-ақ Сайттың тиісті Бөлімінде орналастырылған және осы Шарттың ажырамас бөлігі болып табылатын Жеткізу талаптарында көрсетіледі.
4.9. Тапсырыстың құрамына кіретін Тауарлар Сатып алушыға/Алушыға нақты берілген сәтте Тапсырыс орындалды деп есептеледі.
Егер тауарды Сатып алушы – жеке тұлға сатып алса, Тапсырыс оны Сатып алушыға берген сәтте орындалды деп есептеледі. Курьерлік қызмет курьері ұсынатын жеткізу парағына қол қою арқылы немесе курьерге/Дүкенде верификациялық смс-кодты хабарлау арқылы Сатып алушы Тапсырыстың орындалғанын растайды.
Егер тауарды Сатып алушы – заңды тұлға сатып алса, Тауарларға берілген ілеспе құжаттардың негізінде Сатып алушының уәкілетті тұлғасының қолы қойылып беріледі. Сатушы осындай тұлғаға жеткізу фактісі бойынша ЭШФ АЖ жүйесі арқылы СНТ (тауарлардың жөнелтілгенін растайтын тауарға ілеспе құжат) электрондық құжатын жібереді, оны растау Сатып алушы үшін міндетті болып табылады. СНТ расталғаннан кейін ғана Сатушы ЭШФ жазып береді.
Сатып алушы – заңды тұлға СНТ-ны ЭШФ-ны уақтылы жазып беруге мүмкіндік бермейтін мерзімде растаған жағдайда, Сатушы осы факті бойынша айыппұл санкцияларын төлеуге байланысты барлық шығыстарды ақшалай өтеу түріндегі өтемақы алуға құқылы.
4.10. Тауарға меншік құқығы және оған байланысты тәуекелдер Сатушыдан Сатып алушыға/ Алушыға Тауарды Сатып алушыға/ Алушыға берген және Сатып алушының /Алушының ілеспе құжаттарға қол қойған сәтте көшеді.
4.11. Кепілдіктің мерзімі мен талаптары тауарға қоса берілген немесе сайтта орналастырылған құжаттамада айқындалады, бұл ретте кепілдік мерзімі чекте/жеткізу парағында көрсетілген Тауарды берген күннен бастап есептеледі. Кепілдік мерзімі ішінде Тауардың кемшіліктері анықталған жағдайда Сатып алушы тауарға қоса берілген немесе сайтта орналастырылған құжаттамада көрсетілген телефондар мен мекенжайлар бойынша авторландырылған сервистік орталыққа жүгінеді.
4.12. Егер тұтынушының тауардың тұтынушылық қасиеттеріне қатысты күтулері ақталмаса, Сатушы жауапты болмайды.
4.13. www.sulpak.kz сайтында ұсынылған барлық ақпараттық материалдар анықтамалық сипатқа ие және Тауардың белгілі бір қасиеттері мен сипаттамалары туралы, мысалы: бағасы, түсі, пішіні, өлшемі және қаптамасы туралы дұрыс ақпаратты толық көлемде бере алмайды. Сатып алушыда Тауардың қасиеттері мен сипаттамаларына қатысты сұрақтар туындаған жағдайда, Тапсырысты орналастырғанға дейін оған кеңес алуға жүгіну немесе электрондық пошта мекенжайына сұрау жіберу қажет.
4.14. Сатушы Тапсырысты орындауға міндеттенетін мерзім бір жұмыс күнінен басталады. Тапсырысты орындау мерзімі Сатушының қоймасында тапсырыс берілген Тауар позицияларының болуына және Тапсырысты өңдеуге қажетті уақытқа байланысты. Тапсырысты орындау мерзімі айрықша жағдайларда тапсырыс берілген Тауардың сипаттамалары мен санына байланысты Сатып алушымен жеке келісілуі мүмкін. Сатушының қоймасында бір немесе бірнеше тауар болмаған жағдайда, оның ішінде соңғысына байланысты емес себептер бойынша, Сатушы көрсетілген Тауарды Сатып алушының Тапсырысынан алып тастауға құқылы. Сатушы Сатып алушыға оның Тапсырысының жиынтықтылығының өзгергені туралы интернет-сайтта тіркелу кезінде көрсетілген электрондық мекенжайға хабарлама жіберу арқылы немесе Тапсырысты Сатып алушы тікелей алған кезде тауар чегінде қосымша жазбаша түсініктеме арқылы хабарлауға міндеттенеді.
5. Тараптардың құқықтары мен міндеттері
5.1. Сатушы міндетті:
5.1.1. Сатып алушыға/Алушыға Тауарды Тапсырыстың талаптарына сәйкес беруге.
5.1.2. Тауар сапасының ҚР аумағында қолданыста болатын ұқсас Тауарларға қойылатын талаптарға сәйкестігіне кепілдік беруге.
5.1.3. Сатып алушылардың талап-арыздары мен өтініштерін қарауға және ҚР қолданыстағы заңнамасына сәйкес уақтылы жауап беруге және талап-арыз негізді болған жағдайда оларды қанағаттандыру жөнінде шаралар қабылдауға.
5.1.4. Дербес деректерді, оның ішінде биометриялық деректерді жинауды және өңдеуді жүзеге асыруға, қажет болған кезде Сатып алушы ұсынған Сатып алушының дербес деректерін трансшекаралық беруді жүзеге асыруға, олардың құпиялылығын қамтамасыз етуге және ҚР қолданыстағы заңнамасында және осы Шарттың талаптарында көзделген жағдайларды қоспағанда, бұл ақпаратқа үшінші тұлғалардың қолжетімділігін ұсынбауға.
5.2. Сатушы құқылы:
5.2.1. Осы Шартты, Тауардың қасиеттері мен сипаттамалары туралы ақпаратты, Тауарлардың бағасын, акциялардың талаптарын және ілеспе қызметтерге тарифтерді, Тауарға ақы төлеу және жеткізу тәсілдері мен мерзімдерін біржақты тәртіппен, Сайтта орналастырылған сәттен бастап өзгертуге.
5.2.2. Сатып алушының дербес деректерін соңғысы тапсырыс берген Тауарларды Сатып алушыға жеткізу және қызметтер көрсету немесе осы Шарт бойынша өзге де міндеттемелерді орындау мақсатында Сатушының жеткізу қызметіне немесе Сатушы уәкілеттік берген өзге де тұлғаларға беруге.
5.2.3. Осы Шарттың 9.4-тармағына сәйкес еңсерілмейтін күш мән-жайлары туындаған жағдайда, оның ішінде, бірақ онымен шектелмей, уәкілетті мемлекеттік органдардың нормативтік құқықтық актілері негізінде шектеу (карантиндік) шараларын енгізген жағдайда, осы Шарт бойынша өз міндеттемелерін орындаудан бас тартуға.
5.2.4. Осы Шарттың 10.7-тармағына және 10.8-тармағына сәйкес әрекеттерді жүзеге асыруға.
5.2.5. Сатып алушымен келіспей-ақ Шартты орындау бойынша өз құқықтары мен міндеттерін үшінші тұлғаларға беруге, сондай-ақ Шарт бойынша өз міндеттемелерін орындау үшін үшінші тұлғаларды тартуға.
5.2.6. Бір Тапсырыс шеңберінде кредитке немесе бөліп төлеуге, немесе маркетингтік Акциялар талаптарымен сатып алынған тиісті сападағы Тауарды ішінара қайтарудан бас тартуға.
5.2.7. Сатып алушымен телефон арқылы сөйлесулерді жазуға, оларды сақтауға, пайдалануға, үшінші тұлғаларға беруге, Сатып алушыға sms-хабарламалар жіберуге. Телефон арқылы сөйлесулер, оның ішінде, бірақ онымен шектелмей, мына мақсаттарда жазылады: Тапсырыстарды орындау сапасын бақылауды жүзеге асыру үшін, сондай-ақ Сатушының немесе Сатушы уәкілеттік берген тұлғалардың қызметкерлерінің клиенттерге қызмет көрсету сапасын бақылау мақсатында.
5.2.8. Сатушы Бағасы түсірілген тауарды сатуға ұсынуға құқылы. Осы Тауар Сайтта және Дүкендерде жеке санатта ұсынылған. Қажет болған кезде Сатып алушы Сатушыдан Тауардың кемшіліктерінің сипатын қосымша нақтылай алады.
5.3. Сатып алушы міндетті:
5.3.1. Тапсырысты ресімдеу кезінде қажетті Тауардың нақты атауын, оның Каталог бойынша нөмірін немесе қажетті Тауарды нақты айқындау үшін қажетті барлық деректерді (түсі, орындалу нұсқасы) көрсетуге.
5.3.2. Тауарға сайтта және/немесе ілеспе құжаттарда көрсетілген бағалар бойынша ақы төлеуге.
5.3.3. Тапсырысты ресімдеу кезінде сайттағы Тапсырыс нысанын толтыру немесе Дүкенде сатушыға ақпарат беру арқылы өзі туралы дұрыс және жеткілікті ақпарат беруге. Сатып алушы өзінің байланыс деректері не Тауарлар, жеткізу орны немесе Алушы туралы дәл емес ақпарат берген жағдайда, Сатушы Тапсырысты тиісінше орындамағаны үшін жауапты болмайды.
5.3.4. Тауарды интернет-дүкен сайтында көрсетілген Тапсырыстың қолданылу мерзімінде Сатушыдан қабылдауға. Сатып алушы келмеген немесе Тауарды көрсетілген мерзімде қабылдау үшін өзге де қажетті әрекеттерді жасамаған жағдайда, Сатушы мұны Сатып алушының Шартты орындаудан бас тартуы және Тапсырысты болдырмауы деп қарауы мүмкін. Бұл ретте Сатушы Тауарды Сатып алушыға беруді қамтамасыз ету бойынша Сатушының қосымша шығыстарының құнын, сондай-ақ Тауарды көрсетілген мерзімнен асыра сақтау бойынша шығыстарды Сатушы айқындаған мөлшерлемелер бойынша есептеуге құқылы, ал Сатып алушы оларды өтеуге міндеттенеді.
5.3.5. Тауарды қайтару немесе айырбастау кезінде Сатушыға және оның талап етуі бойынша зауыт-дайындаушылардың авторландырылған сервистік орталықтарының қорытындыларын ұсынуға.
5.4. Сатып алушы құқылы:
5.4.1. Сатушының Тапсырыс талаптарын орындауы мүмкін болмаған жағдайда, Шарттың 10.6-тармағын ескере отырып, алдын ала төлемнің қайтарылуын талап етуге.
5.4.2. Егер Сатушы мұндай өзгерістерге келіссе, Сатушының Тапсырысты орындауын бастағанға дейін Тапсырысқа өзгерістер енгізуге.
5.4.3. Егер Сатып алушы жеке тұлға болса, «Тұтынушылардың құқықтарын қорғау туралы» ҚР Заңына және Сайтта орналастырылған және осы Шарттың ажырамас бөлігі болып табылатын Тауарды қайтару және айырбастау қағидаларына сәйкес тиісті сападағы тауарды айырбастауды немесе қайтаруды жүргізуге. Бұл ретте Тауарды кредитке немесе бөліп төлеуге, немесе маркетингтік Акциялар талаптарымен сатып алған жағдайда бүкіл Тапсырыс қайтарылуға жатады, бір Тапсырыс шеңберінде Тауарды ішінара қайтаруға жол берілмейді. Бір Тапсырыс шеңберінде кредитке немесе бөліп төлеуге, немесе маркетингтік Акциялар талаптарымен сатып алынған тиісті сападағы Тауарды айырбастау тек ұқсас Тауарға не Тараптардың келісімі бойынша басқа тауарға жүргізіледі, бағада айырма болған жағдайда Сатушымен қажетті қайта есептеу жүргізіледі.
Сатып алушы Бағасы түсірілген тауарды сату кезінде Сатушы келіспеген кемшіліктерді анықтаған жағдайда, Сатып алушы кемшіліктердің Тауар Сатып алушыға берілгенге дейін немесе осыған дейін туындаған себептер бойынша туындағанын дәлелдесе, заңда көзделген кемшіліктерді өтеусіз жоюды, ауыстыруды немесе шартты бұзуды талап етуге құқылы.
5.4.4. Өзінің бұзылған құқықтары мен заңды мүдделерін қорғау үшін жүгінуге:
- уәкілетті орган бекіткен тұтынушылық дауларды сотқа дейін реттеу субъектілеріне;
- тұтынушылардың құқықтарын қорғау жөніндегі уәкілетті органға, оның байланыс деректері мына сайтта орналастырылған ;
- Сатушы мүшесі болып табылатын өзін-өзі реттейтін ұйымдарға.;
- Қазақстан Республикасының заңнамасына сәйкес сот органдарына.
6. Баға және төлем тәртібі
6.1. Тауардың бағасы Каталогта және/немесе Дүкендегі бағалық белгілерде қосылған құн салығын ескере отырып, теңгемен көрсетіледі, бұл ретте Тауардың бағасы Сайттағы Каталогта және/немесе Дүкенде өзгеше болуы мүмкін. Сатушы Сатып алушы тапсырыс берген Тауардың бағасын қате көрсеткен жағдайда, Сатушы Тауардың бағасын өзгертуге құқылы және бірінші қолжетімді мүмкіндікте бұл туралы Сатып алушыға өзгертілген талаптармен Тапсырысты растау немесе Тапсырыстың күшін жою үшін хабарлайды. Сатып алушымен байланысу мүмкін болмаған жағдайда немесе Сатып алушы өзгертілген талаптармен Тапсырыстан бас тартқан жағдайда, осы Тапсырыс күші жойылған болып есептеледі.
Тапсырыстың құны толық төленбеген жағдайда Шарт бұзылған болып есептеледі, бұл жағдайда Сатушы Тұтынушыға ақшаны (егер олар алынған болса) қайтаруға міндетті.
6.2. Тауарды жеткізу құны Тауардың бағасына кірмейді. Жеткізу құнын Сатып алушы Сайтта көрсетілген тарифтерге және жеткізу талаптарына сәйкес төлейді.
6.3. Тауардың бағасы мен жеткізу құнын Сатушы біржақты тәртіппен өзгерте алады.
6.4. Төлем төменде аталған тәсілдермен жүргізіледі:
6.4.1. Дүкенде, Сатушының жеткізу қызметінің қызметкеріне немесе Сатушының кез келген басқа уәкілетті тұлғасына Тауарды жеткізу сәтінде оны бергенге дейін қолма-қол есеп айырысу арқылы. Тараптар осы тармақта көрсетілген төлем тәсілі кезінде Тауарды жеткізген жағдайда Сатып алушыға бақылау-касса машинасының чегін беру Сатып алушының Тауарға ақы төлеу міндетін орындағанының тиісті растауы болып табылатыны туралы келісті. Сатушының шешімі бойынша бақылау-касса машинасының чегі Сатып алушыға Тапсырысты ресімдеу кезінде көрсетілген электрондық поштаға электрондық түрде берілуі мүмкін, бұл жағдайда бақылау-касса машинасының чегін қағаз түрінде беру жүргізілмейді.
6.4.2. банк картасының көмегімен, оның ішінде Тапсырысты алған кезде мобильді электрондық терминал арқылы. VISA, VISA Electron және MasterCard төлем жүйелерінің карталары және басқа да халықаралық төлем жүйелерінің карталары төлеуге қабылданады.
6.4.3. on-line төлем тәсілімен. Төлем Тапсырысты ресімдеу кезінде тікелей интернет-эквайринг жүйесі арқылы жүргізіледі. VISA, VISA Electron және MasterCard төлем жүйелерінің карталары және басқа да халықаралық төлем жүйелерінің карталары төлеуге қабылданады. Төлемді жүзеге асыру үшін интернет-эквайринг жүйесінің авторизациялық серверінде карта деректерін көрсету қажет.
6.4.4. тауарлық кредитті немесе бөліп төлеуді ресімдеу жолымен;
6.4.5. Сатушының банктік деректемелеріне ақша аудару арқылы қолма-қол ақшасыз төлеммен (заңды тұлғалар мен жеке кәсіпкерлер үшін). Сатушы шығарған төлем шоты 3 (Үш) банктік күн ішінде жарамды. Осы шотқа ақы төлеу Шарттың талаптарымен келісуді білдіреді. Сатып алушының Сатушыға төлем туралы хабарлауы міндетті, әйтпесе қоймада Тауардың болуына кепілдік берілмейді. Тауар Сатушының есеп айырысу шотына ақша түскен фактісі бойынша, жеке басын куәландыратын құжат және/немесе заңды тұлғаның атынан ТМҚ алуға сенімхат болған кезде босатылады;
6.4.6. өзге де тәсілдермен.
6.5. Банк картасының көмегімен немесе on-line төлем тәсілімен қолма-қол ақшасыз есеп айырысу кезінде бақылау-касса машинасының чегін Сатушы Сатып алушыға Тапсырысты ресімдеу кезінде көрсетілген электрондық поштаға электрондық түрде береді.
6.6. Сатушы Сатушының қағидаларымен немесе өзге де құжаттарымен белгіленетін, ол туралы ақпарат Сайтта және/немесе Дүкенде орналастырылатын жеңілдіктер мен өзге де арнайы ұсыныстарды қолдануға және белгілеуге құқылы.
6.7. Бонустармен, сыйлық карталармен/сертификаттармен төлем, промокодты немесе өзге де жеңілдіктерді қолдану тапсырыс ресімделген кезде жүргізіледі. Тапсырыс аяқталғаннан кейін төлем талаптарын өзгертуге жол берілмейді.
6.8. Сатып алушының Сайтта өздігінен орналастырылған Тапсырысқа ақы төлеуі осы Шарттың Талаптарымен келісуді білдіреді. Тапсырысқа ақы төлеу күні Сатушы мен Сатып алушы арасындағы оферта Шартын жасасу күні болып табылады.
7. Тауарларды беру
7.1. Тауарды Тапсырыстың талаптарына сәйкес беру өзі алып кету арқылы немесе Тауарды жеткізу талаптарында жүзеге асырылады.
7.2. Тауарды беру Сатып алушыға немесе Алушыға, немесе Тапсырыс туралы мәліметтерді ұсына алатын және Тауарға ақы төлей алатын үшінші тұлғаға / Сатушының немесе оның уәкілетті тұлғаларының талап етуі бойынша төлем туралы құжатты ұсыну арқылы жүзеге асырылады.
7.3. Тауарды жеткізуді Сатушының жеткізу қызметі немесе Сатушы уәкілеттік берген өзге де тұлға Дүкендер орналасқан елді мекендердің әкімшілік-аумақтық шекараларында жүзеге асырады.
7.4. Сатушы Тапсырыс ресімделген Тауарды Сатып алушы Тапсырыста көрсеткен мекенжай (жеткізу мекенжайы) бойынша жеткізуді жүзеге асырады. Тауарларды жеткізу тәсілдері, сондай-ақ шамамен мерзімдері Сайттың тиісті бөлімінде орналастырылған және/немесе Тапсырысты ресімдеу кезінде Жеткізу талаптарында көрсетіледі. Сатушы тауарды бергенге дейін Сатып алушыны Сатушы бекіткен қағидалар бойынша сәйкестендіруге және рәсім өтпеген жағдайда беруден бас тартуға құқылы.
7.5. Жеткізу кезінде Тауарды беру үшін Сатып алушы, Алушы немесе үшінші тұлға мыналарды ұсынуға міндетті:
7.5.1. Тапсырыс туралы мәліметтер (Алушының ТАӘ, ресімдеу кезінде көрсетілген телефон нөмірі және/немесе Тапсырыстың нөмірі мен күні);
7.5.2. курьерге верификациялық смс-кодты хабарлау;
7.5.3. жүргізілген төлемнің расталуы – сатушының және оның уәкілетті тұлғаларының талап етуі бойынша.
Верификациялық смс-кодты хабарлау арқылы Сатып алушы Тауарды Сатып алушының уәкілетті тұлғасының алуы үшін барлық жауапкершілікті өзіне алады.
7.6. Өзі алып кеткен кезде Тауарды беру үшін Сатып алушы, Алушы немесе үшінші тұлға мыналарды ұсынуға міндетті:
7.6.1. Тапсырыстың нөмірі мен күні (бұл ақпаратты Сатып алушы Сайтта және/немесе Дүкенде Тапсырысты ресімдеу кезінде көрсетілген ұялы телефон нөміріне және/немесе электрондық поштаға «SULPAK» жіберетін SMS түрінде ала алады);
7.6.2. Сатушының немесе оның уәкілетті тұлғаларының талап етуі бойынша жүргізілген төлемнің расталуы;
7.6.3. Сатушы бекіткен қағидаларға сәйкес верификациядан өту.
7.6.4. Верификациялық смс-кодты хабарлау арқылы Сатып алушы Тауарды Сатып алушының уәкілетті тұлғасының алуы үшін барлық жауапкершілікті өзіне алады.
7.7. Егер Тапсырысты алушы заңды тұлға болса, Тауарды алу үшін тиісінше ресімделген сенімхат және сенім білдірілген адамның жеке басын растайтын құжат қажет.
8. Тауарды қабылдау
8.1. Тауарды қабылдау кезінде Сатып алушы міндетті:
8.1.1. Қаптаманың сыртқы зақымдануының болуына тексеру жүргізуге.
8.1.2. Қаптаманың сақталғанына және оның ашылу іздері мен сыртқы зақымданулары жоқ екеніне көз жеткізгеннен кейін, тұтынушылық қаптаманы ашып, ондағы Тауардың болуын тексеруге.
8.1.3. Тауардың бар екеніне көз жеткізгеннен кейін, онда сыртқы механикалық зақымдану іздерінің жоқтығын тексеруге және алынатын Тауардың артикулін ілеспе құжатта қойылған артикулмен салыстырып тексеруге, Тауардың жиынтықтылығы мен түсін тексеруге.
8.1.4. Қаптама мен Тауарда сыртқы зақымданулар болмаған жағдайда, сондай-ақ Тауардың артикулі, жиынтықтылығы және түсі сәйкес келген жағдайда, Тауардың алынғанын, оның Тапсырыстың талаптарына сәйкестігін және Сатушыға талаптардың жоқтығын растайтын ілеспе құжаттарға қол қоюға.
8.1.5. Талаптар болған жағдайда жеткізу қызметінің қызметкерінен немесе Сатушының уәкілетті тұлғасынан жеткізу парағында немесе өзге де ілеспе құжатта Тауар қаптамасының барлық зақымданулары, Тауардың механикалық зақымданулары және/немесе оның толық жиынтықталмауы, Тапсырыстың өзге де талаптарына сәйкес келмеуі көрсетілуін талап етуге не Тауарды қабылдаудан бас тартуға.
9. Тараптардың жауапкершілігі
9.1. Сатушы мыналар үшін жауапты болмайды:
9.1.1 Тауарды тиісінше пайдаланбау салдарынан Сатып алушыға келтірілген залал үшін;
9.1.2 Сатып алушының тауарды тексермей қабылдағаны үшін. Бұл жағдайда Тауар және/немесе қаптама сыртқы зақымданулары болған жағдайда, Сатып алушы барлық тәуекелдерді өзіне қабылдайды.
9.2. Сатып алушы Тапсырысты ресімдеу кезінде ұсынылған ақпараттың дұрыстығы мен жеткіліктілігі үшін жауапты болады. Тараптар осымен Сатып алушы дұрыс емес немесе анық емес ақпарат берген жағдайда Сатушы Тауарды уақтылы және тиісінше жеткізуге және Тапсырысты орындауға кепілдік бере алмайтынымен, оның ішінде Сатушының Тапсырысты Сатып алушыға бұл туралы хабарламай біржақты тәртіппен жоюға құқығы бар екенімен келіседі.
9.3. Тараптар осы Шарт бойынша міндеттемелерді орындағаны үшін Қазақстан Республикасының Азаматтық кодексіне, «Тұтынушылардың құқықтарын қорғау туралы» ҚР Заңына, «Сауда қызметін реттеу туралы» ҚР Заңына және өзге де нормативтік құқықтық актілерге сәйкес жауапты болады.
9.4. Егер міндеттемелерді орындамау мынадай еңсерілмейтін мән-жайлардың (форс-мажор) салдары болып табылса, Тараптар өз міндеттемелерін толық немесе ішінара орындамағаны үшін жауапкершіліктен босатылады: соғыс немесе соғыс қимылдары, жер сілкінісі, су тасқыны, өрт және өзге де дүлей зілзалалар, мемлекеттік билік органдарының актілері немесе әрекеттері, кеден қағидаларының өзгеруі, импорт пен экспортты шектеу, шектеу (карантиндік) шараларын немесе төтенше жағдайды енгізу, олар осы Шарт жасалғаннан кейін Тараптардың еркіне тәуелсіз туындаған. Өз міндеттемелерін орындай алмайтын Тарап бұл туралы екінші Тарапқа дереу хабарлайды және уәкілетті органдар берген осындай мән-жайлардың болуын растайтын құжаттарды ұсынады, бұл ретте шектеу (карантиндік) шараларын немесе төтенше жағдайды енгізу уәкілетті органдардың қосымша растауын және уәкілетті органдардың осындай шараларды енгізу туралы актілерімен растауды талап етпейді.
10. Талап-арыздарды қарау және дауларды шешу тәртібі
10.1. Сатып алушыдан сұрақтар мен талап-арыздар туындаған жағдайда, ол Байланыс орталығына немесе Дүкенге жүгіне алады.
10.2. Тауардың сапасына қатысты талап-арыздар туындаған кезде Сатып алушы – жеке тұлға оларды «Тұтынушылардың құқықтарын қорғау туралы» ҚР Заңына сәйкес Тауарға кепілдік мерзімі ішінде ұсынуға құқылы.
10.3. Тауардың пайдаланылуы барысында оның жұмысқа қабілеттілігін жоғалтуына қатысты, Тауарды дайындаушының кепілдік міндеттемелері қолданылатын жағдайларда талап-арыздар зауыт-дайындаушылардың авторландырылған сервистік орталықтарының қорытындылары негізінде қаралады. Авторландырылған сервистік орталықтардың мекенжайлары мен телефондары тауарға қоса берілген құжаттамада көрсетілген немесе сайтта орналастырылған.
Тауар мынадай жағдайларда кепілдікті қызмет көрсетуге жатады: егер Тауардың ақаулығы туралы хабарлама Сатушыға кепілдік мерзімі аяқталғанға дейін алынса; Тауар ілеспе зауыттық құжаттамада көрсетілген пайдалану қағидаларын бұзбай пайдаланылса; Тауарда сериялық нөмірі мен жасалған күнінің түпнұсқа өзгертілмеген жазбалары, сондай-ақ зауыттық қаптамасы болса; Сатып алушы Тауарды өз күшімен немесе үшінші тұлғалардың күшімен жөндеуді жүргізбесе.
Тауардың сапасына қатысты талап-арыздар болған жағдайда оны жөндеу жүргізіледі, Тауар жөндеуге жарамсыз деп танылған жағдайда – Тауарды ауыстыру, ауыстыру мүмкін болмаған жағдайда – осындай Тауар үшін төленген соманы қайтару жүргізіледі.
10.4. Қосымша тексеруді (сараптаманы) жүргізу бойынша шығыстарды Сатып алушы төлейді. Егер Тауардың кемшіліктері Сатушының/дайындаушының кінәсінен туындаған болса, қосымша тексеруді (сараптаманы) жүргізу бойынша шығыстарды Сатушы Сатып алушыға өтейді. Егер Сатып алушы – жеке тұлға болса, онда тауардың сапасын қосымша тексеруді (сараптаманы) жүргізу бойынша шығыстарды сатушы (дайындаушы) төлейді. Егер тауарды тексеру (сараптама) нәтижесінде тауардың кемшіліктері жоқ екені немесе олар тауар тұтынушыға берілгеннен кейін оның белгіленген пайдалану, сақтау қағидаларын бұзуы немесе үшінші тұлғалардың әрекеттері не еңсерілмейтін күш салдарынан туындағаны анықталса, тұтынушы сатушыға (дайындаушыға) тексеруді (сараптаманы) жүргізуге жұмсалған шығыстарды, сондай-ақ оны жүргізуге байланысты тауарды тасымалдауға жұмсалған шығыстарды өтеуге міндетті.
10.5. Дайындау ақаулары немесе материалдар салдарынан туындаған (яғни дайындаушы жауапты болатын мән-жайлар салдарынан) тауардың кемшіліктері анықталған жағдайда және осы кемшіліктерді жою мүмкін болмаған кезде Сатып алушы тауар бұзылуының себебі дайындау ақауы немесе материалдардың ақауы болып табылатыны көрсетілген авторландырылған сервистік орталықтың қорытындысын, сондай-ақ Тауарға ақы төленгенін растайтын құжатты ұсынған кезде тауарды айырбастауға немесе тауар үшін төленген соманы қайтаруға құқылы.
10.6. Сатып алушыға тауарды айырбастау немесе ақшаны қайтару үшін заңды негіздер болған кезде, тауарды қайтару/айырбастау Шарттың 5.4.3-тармағында көрсетілген шектеулерді ескере отырып және Сайтта орналастырылған және осы Шарттың ажырамас бөлігі болып табылатын Қағидаларға сәйкес Дүкенде Сатушымен келісе отырып жүзеге асырылады.
10.7. Сатушы мынадай негіздердің бірі болған кезде қайтарылатын тиісті сападағы Тауарды қабылдаудан бас тартуға құқылы: егер Тауар пайдаланылған болса, оның тауарлық көрінісі, тұтынушылық қасиеттері, пломбалары, жапсырмалары сақталмаса, тауардың сатып алынғанын растайтын құжат болмаса, қаптама болмаған кезде немесе оның тауарлық көрінісі жоғалған кезде, Тауардың сыртқы зақымданулары анықталған кезде, Тауардағы, қаптамадағы, тауарға қоса берілген немесе сайтта орналастырылған құжаттамадағы таңбалаудың сәйкес келмеуі, сондай-ақ Қазақстан Республикасының заңнамасында көзделген өзге де жағдайларда.
10.8. Сатып алушы тиісті сападағы Тауарды айырбастаған немесе қайтарған кезде Сатушы Сатып алушыдан Сатушының Тауарды айырбастауды немесе қайтаруды ұйымдастыру кезінде шеккен шығыстарын өтеуді талап етуге құқылы.
10.9. Тараптар Шарт бойынша міндеттемелерді орындау кезінде туындауы мүмкін дауларды және келіспеушіліктерді келіссөздер арқылы шешу жөнінде барлық шараларды қабылдайды.
10.10. Егер Тараптар келісімге келмесе, барлық даулар ҚР қолданыстағы заңнамасына сәйкес қарауға жатады.
10.11. sulpak.kz сайтында пікірлерді жариялау қағидалары.
Жалпы мәліметтер: sulpak.kz сайтындағы тауар туралы пікір – бұл сатып алушы тауардың сапасын бағалайтын, пайдаланудың жеке тәжірибесімен және тауардың сыртқы көрінісімен бөлісетін жазбаша пікір.
Пікірлерді модерациялаудың толық қағидалары МҰНДА қолжетімді
Егер пікір орынсыз болса, сатып алушы мобильді қосымшада ұсынылған функционал арқылы басқа автордың пікіріне шағымдана алады.
11. Құпиялылық және ақпаратты қорғау
11.1. Сатушы Сатып алушының дербес деректерінің құпиялылығын және дербес деректер субъектісі ретінде Сатып алушының дербес деректерін өңдеуді дербес деректерді қорғау саласындағы Қазақстан Республикасы заңнамасының барлық қолданылатын талаптарын сақтай отырып, оның ішінде «Дербес деректер және оларды қорғау туралы» 2013 жылғы 21 мамырдағы № 94-V Қазақстан Республикасы Заңымен белгіленген принциптерді, талаптарды, дербес деректер операторының міндеттемелерін сақтай отырып қамтамасыз етуге міндеттенеді.
Осы Шартта дербес деректерді өңдеу деп автоматтандыру құралдарын пайдалана отырып немесе мұндай құралдарды пайдаланбай жасалатын, дербес деректерді жинауға, жазуға, жүйелеуге, жинақтауға, сақтауға, өзгертуге, толықтыруға, нақтылауға (жаңартуға, өзгертуге), алуға, пайдалануға, таратуға, иесіздендіруге, бұғаттауға, жоюға, жойып жіберуге, сондай-ақ дербес деректерді трансшекаралық беруге бағытталған кез келген әрекет немесе әрекеттер жиынтығы түсініледі.
11.2. Осы жария шартты қабылдай отырып, Сатып алушы өзінің келісімін растайды және Сатушы мен оның қызметтеріне мыналарға рұқсат береді:
11.2.1. өзінің дербес деректерін, оның ішінде, бірақ онымен шектелмей: Тегі, Аты, Әкесінің аты, жеткізу мекенжайы, тұрғылықты мекенжайы, байланыс телефонының нөмірі, электрондық пошта мекенжайы, туған күні, жынысы, ЖСН, биометриялық деректерді жинауды, сақтауды, өңдеуді және пайдалануды жүзеге асыруға. Ұсынылған ақпарат тек Тапсырысты өңдеу және орындау кезінде немесе Сатып алушыға арнайы ақпаратқа, оның ішінде, бірақ онымен шектелмей, маркетингтік акциялар туралы ақпаратқа қолжетімділік беру үшін пайдаланылады. Жеке мәліметтерді Сатып алушы өзгерте, жаңарта немесе жоя алады;
11.2.2. оның дербес деректерін деректер базаларын басқарудың автоматтандырылған жүйелерінің, сондай-ақ өзге де бағдарламалық және техникалық құралдардың көмегімен өңдеуге. Мұндай жүйелермен жұмыс осы Шарттың 5.1.4. және 5.2.2. тармақтарына сәйкес жүзеге асырылады. Алайда Сатушы Сатып алушының дербес деректерін өңдеудің пайдаланылатын тәсілдерін (оның ішінде, бірақ онымен шектелмей: пошталық кодтарды кодтар/индекстер базасымен автоматты түрде салыстырып тексеру, көшелер/елді мекендер атауларының жазылуын автоматты түрде тексеру, деректер базасын берілген өлшемшарттар бойынша сегменттеу және т.б.) өз бетінше айқындауға құқылы.
11.3. Сатушы Сатып алушы ұсынған дербес деректердің құпиялылығын, олардың көшірмеленуден, таратылудан қорғалуын қамтамасыз етеді. Кез келген уақытта Сатып алушы өзінің дербес деректерінің тізбесін сұратуға және/немесе өзінің дербес деректерін өзгертуді, жоюды талап етуге құқылы, ол үшін Байланыс орталығына қоңырау шалып, аты, әкесінің аты, тегін көрсету қажет.
11.4. Сатып алушыны белгілі бір түрдегі ақпаратпен қамтамасыз ету үшін Сатушы тіркелу кезінде көрсетілген электрондық пошта мекенжайына және/немесе телефонға ақпараттық хабарламаларды, оның ішінде жарнамалық хабарламаларды, оның ішінде, бірақ онымен шектелмей, Сатушының Жария оферта шеңберінде Сатып алушы алдындағы міндеттемелерін орындау, электрондық және SMS сауалнамаларды ілгерілету, маркетингтік акциялардың нәтижелерін бақылау, клиенттерге қолдау көрсету, тауарды Сатып алушыларға жеткізуді ұйымдастыру, Сатып алушылар арасында жүлделер ойнату, Сатып алушының Сатушы көрсететін қызметтердің сапасына қанағаттанушылығын бақылау мақсатында жіберуі мүмкін. Кез келген уақытта Сатып алушы мұндай таратылымның тақырыбын өзгерте алады немесе одан бас тарта алады.
11.5. Тапсырысқа банк карталарының көмегімен ақы төлеген кезде карточка және оның ұстаушысы туралы ақпарат банктің авторизациялық серверіне қорғалған түрде беріледі және Сатушыға немесе
